مكتبة الشاعر عكير الدامر - WhiteNileOnline Forum
  التسجيل   التعليمـــات   التقويم   البحث   مشاركات اليوم   اجعل كافة الأقسام مقروءة

الإهداءات



منتدى الحوار العام للنقاش الهادف والبناء والمواضيع العامه

إضافة رد
 
أدوات الموضوع انواع عرض الموضوع
رقم المشاركة : ( 1 )
الصورة الرمزية عمر عبد الله
 
عمر عبد الله
عضو ماسي
عمر عبد الله غير متواجد حالياً
 
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10
قوة التقييم :
افتراضي مكتبة الشاعر عكير الدامر

كُتب : [ 07-08-2008 - 11:02 AM ]


الشاعر عكير الدامر هو علي إبراهيم عاكير والده من البجا، وأمه من الجعليين بالدامر، وارتبط اسمه بالدامر، ككثيرين غيره من البجا، مثل آل أبوهاجة، وهو من أوائل خريجي مدرسة غردون لذا تجده يجيد الإنجليزية، وبالطبع البجاوية ، والعربية، هناك قصة طريفة تحكى عنه :
كان يجلس يوماً في سوق الدامر في بوتيك لأحد أقربائه الشباب، فدخلن مجموعة من الفتيات وسخرن من الشاعر وصديقه البجاوي (يعني قطعن فوقو مع الشاب بتاع البوتيك) وكانت لغة الحوار بينهم الإنجليزية، ولم يعرفن أن الشاعر عكير يفهمها، فعندما انتهى حديثهن رد عليهن بالإنجليزية ، ووبخهن بأن العلم إذا أتخذ للسخرية من الناس لا فائدة منه، وهو كما تعلمون حكيم ووقور جداً، وهنا لم يفهم صديقه البجاوي شيئاً، فالتفت إليه ووضح له كل ما دار ... لكن باللغة اللبجاوية ... ولم يفهمن شيئاً ..


نبدا بقصيدة عكير الدامر في وصف الدنيا
----------
سرورك ما بتم عاقباهو ديمة الفجعة
وظاهرك لينا سكر الا طعمك وجعة
كم طفشتي مرتاح وقلبو مابي الهجعة
روحو تشابي وانت قطعت خط الرجعه
.....
تقابلك عروس تعشق معاني رقيصه
تملاك بالمحبة وتمشي نازله نقيصه
ما يغريك دلاله وتوب جمال بلقيسه
عاين للقبور وبعدين سماحته بتقيسه
...
بتقابلك جنينة تمتعك بي ثماره
وترقد في امانا وتنهمك بعمارا
باكر تبقى ليك حنضل تشوفو دمارا
تسحب منك .... وتدق مسماره
...
زولاً شاف رقاد العبروهو مشبر
والزول البرص فى الطوب ووشو مغبر
إتأكد دة بكرة مصير غير إتكبر
إنسى الموت والمال والبنون إتبتر
...
دى الغدارة دى الحقارة دى العقارة
كم قلبت زغاريد عرسه بي نقارة
أعلِنا بالحرب قبال تشب الغارة
وقبل الروح تغرغر وتبقى في الغرغارة
...
إتغشينا بي حبك لبسنا عباية
يا موية الرهاب الما ملت كباية
عجيب يا دنيا أمرك الا نحنا غباية
عاشقين الجمال في لمعة الحرباية

منقول


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 2 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:05 AM ]


الحُقَن إتملن والدابي جاتو فضيحتو
ومو خاتي إن مرق ضاقت عليهو فسيحتو
إندشَّ السرح وكرفت هواهو منيحتو
والمحريب شَهَقْ فتّح قزايز ريحتو


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 3 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:06 AM ]


عهدنا معاك كنداب حربة ما بيتشلَّخ
صُرة عين جبل ملوية ما بتتفلَّخ
كان إيدينا من القبضة فيك تتملَّخ
السما ينتكي وجلد النمل يتسلَّخ


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 4 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:07 AM ]


خبر الشوم طلع هز القبب واترجت
والنار في الدارويش البترجمو وجت
امواج المحبين بالشوارع قجت
وربات الخدور نزعت حجابها وعجت



------
عكير الدامر يصور مشهد نبأ رحيل الشيخ الجيلي الكباشي


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 5 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:08 AM ]


ما بنقبل حكم ناس في بلاد الغربة
وتحت التاج نقع جمل انكسر في هربة
بدل الزل وعيشة العار وحالة الكربة
أولى الآخرة" ميت ما بخاف التربة"


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 6 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:09 AM ]


فيك طبع الأسد صالحت او حاربت
وفيك طبع البرامكة بعدت او قربت
فيك طبع الملوك شرقت او غربت
وفيك طبع الحكيم لقمان حلل او ربطة


-----------------
عكير الدامر يمدح السيد عبد الرحمن


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 7 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:10 AM ]


يا مولاي أه من غلبي
من النارو حرقت قلبي

يا مولاي بشكيلك شقاي و غلبي
حظي الديمة من ريدة الأنيس جافلبي
طالت السفرة و إتحفت مناسم?? تلبي
هب الريد تلبي و عاودك الحنين يا قلبي


مالك نفسي مطعونة تملي تنيني
مالك عيني لي الغميد أبيتي تليني
عطشان ديما طفح الموية ما برويني
كاتلاني الطريفية البريدا غريني

الناس عيدت مرقت علي أصحابا
و أنا فريت علي الجاهلة السمح ترحابا
فاطرًا يحكي براق البدودي سحابة
دي لفت قلبي زي لف طرحتا اللافحابا



يتمني الدهب لو لونو يشبه لونك
إشتهت الدرر لو هي تبقي سنونك
مجنون ليلي حالتو أقل من مجنونك
ما دام ليلي كانت في المحاسن دونك


عصباً عني فارقت الضريح لي ربي
كل ما هب نسام منو زاد في جمري
جرحي القرب يبري الداير يبدر عمري
بدرو ليّ تغريد بلبلك يا قُمري

أخضر ليهو ضل فوقو المحاسن شرن
و أفلج فاطرو زي برق السواري الكرن
يتقسم مقاطع في المشي و يتحرن
زي فرخ القطا الأماتو ركن و فرن


عمي الهادي نشاب البريدا ضربني
قسم نومي من تيبان حيايا سلبني
حاكم الصافي أبي يقبل سؤالي صدمني
صبري الكان جميل جربتو و كلو غلبني

عن من أحب أنا غير خاطري فرقت
هايم بي غرام عن حالتي كنت سُرقت
لولا أدمعي ،م ناري كنت حرقت
و لو ما ناري من كترت دموعي غرقت

-----------
عكير الدامر


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 8 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:11 AM ]


وكمان عكير قال
--------
ختت أيدها فوق إيدي انجذبت خِدرت
حبيت أمشي من كُتر الطرب ما قدرت
بقت الحنة بين إيدي وأيديها اندرت
لولا الحنة بيني وبينها كنت ودرت

شعرك منتظم زي السلاسل فتلو
وعينيك ترقِص الحجر ان بقت شافتلو
الطاؤوسة قاصدة مشيكي ما عرفتلو
وأعصاب الرآك أتكهربت تلفتلو

ممشوق القوام الماوجدتا مثيلو
جفاهو معاى ولا محنة غيرو
جافانى العزيز الكنتا ديمه نصيرو
هو يسوى الغلط وانا اسوي كتر خيرو


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 9 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:12 AM ]


قصيدة عكير الدامر في وصف الدنيا
----------
سرورك ما بتم عاقباهو ديمة الفجعة
وظاهرك لينا سكر الا طعمك وجعة
كم طفشتي مرتاح وقلبو مابي الهجعة
روحو تشابي وانت قطعت خط الرجعه
.....
تقابلك عروس تعشق معاني رقيصه
تملاك بالمحبة وتمشي نازله نقيصه
ما يغريك دلاله وتوب جمال بلقيسه
عاين للقبور وبعدين سماحته بتقيسه
...
بتقابلك جنينة تمتعك بي ثماره
وترقد في امانا وتنهمك بعمارا
باكر تبقى ليك حنضل تشوفو دمارا
تسحب منك .... وتدق مسماره
...
زولاً شاف رقاد العبروهو مشبر
والزول البرص فى الطوب ووشو مغبر
إتأكد دة بكرة مصير غير إتكبر
إنسى الموت والمال والبنون إتبتر
...
دى الغدارة دى الحقارة دى العقارة
كم قلبت زغاريد عرسه بي نقارة
أعلِنا بالحرب قبال تشب الغارة
وقبل الروح تغرغر وتبقى في الغرغارة
...
إتغشينا بي حبك لبسنا عباية
يا موية الرهاب الما ملت كباية
عجيب يا دنيا أمرك الا نحنا غباية
عاشقين الجمال في لمعة الحرباية


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 10 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:14 AM ]


القصيدة بتاعة يا مولاي هي أصلاً مجادعة بين عكير وواحد شاعر من ناس الشايقية
ما عارفو منو بالتحديد ...
زمان في حاجة إسمها الغارة ... يقولوا فلان الشاعر غار فلان ...
أي يمشي يشوفوا زي ما عمل عمكم أبوسن مع الصادق ود آمنة واستخرج فيها الصادق شهادته الشعرية من أبوسن بقصيدته : أمسيت خلي مضروب بي كرابيج عنج ...
والحادثة إنو أبوسن قال للصادق قافية صعبة وهي قافية نون ساكنة مع جيم ودي زي ما قالوا الجماعة شغل حار بالحيل ...
فـ فوجي بود آمنة يفتل فوقها دون أن تهتز له شعرة ... وقال قولته الشهيرة : الود دا شاعر ... البلا الياخدو
أها نجي لي عكير وشاعر الشايقية :
في واحد سمع بالتاني ورسل ليه مربوع ... التاني يقوم يفتل فوقو بنفس القافية أو يجيب مربوع تاني بنفس الفكرة أو يجيب مربوع يرى إنو أجود من المربوع الأول....
ودي نوع من الغارات
الشيء الغلبني كيف أطلع كلام عكير من كلام الشايقي ...
بس في مرابيع كدي فيها نفس عكير ... زي :
زي فرخ القطا الأماتو ركن وفرن
وتاني:
حبيت أمشي من كترة الطرب ما قدرت

و :
يتقسم مقاطع في المشي ويتحرن

منقووول


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 11 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:16 AM ]


حباب الكوكب ال لي كل شر حباس
حباب السره من ناس همزه والعباس
طريق ديمه المنيل ونادي خاتي يباس
قباب نور الزمان البق من كدباس

يافرع الطهاره الصافي من ادناس
بعيد قلبك من الوسواس والخناس
جبل الرحمة يا مشرع جميع الناس
تعيش قبلة صلاح لي كافة الاجناس

البنا ما بقيف يا سيدي من غير ساس
ياسر حاج حمد بركه وندى واحساس
صوطك لي المرض من العضم حساس
يخرج بي عجل ذي طلقة الرصاص


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 12 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:17 AM ]


احياك الله لي الاسلام ركن حراس
عرق دم الرشيد سيد العلم ميراث
تعالج بي النظر لا محايه لا كراس
وبي موية الوضوء بتطرد جنون الراس

حبتك السعاد اهل العقول النايره
بي جنحات صقور جاتك مخويه طايره
والد المعتصم يالجعلي سيد الدائره
احياك الله يا درع القواسي الغايره


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 13 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:19 AM ]


بدر الكمال ايام زيارتك حالية
صاحب المرتبه المن الله جاتك عاليه
شريان العباده ال في الدراويش ماليه
ملفات الزكر دامت عليك متواليه

*****
ياعينة الرخا الوجت برقها الشايله
وفقك الله بازلها كالسيول السايله
يا جبل التكيه وابو الجيوش الهايله
شاة جابر طعامك فيي المسا و في القايله


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 14 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:21 AM ]


خصاك الله بي التقوى النظيفه الصافيه
بالحياة طلوع ثم الصداقه الوافيه
يد ذو الفقار لي كل شر متلافية
فلتحيا وتعيش وعليك تاج العافيه
*****
كم وفقت ناسا طولت متعاديه
كم ارشدت عالم في الحضر والبادية
سفينة نوح صحبتك في الامان متهايه
نعم البها فاز وحياته صبحت ناديه
*********
رايتك في المنام واخذت جلسه وهانيه
واليوم الله جاد بي شوفتي ليك التانيه
لكل كتاب والدنيا اصلها فانيه
نعم الجالسك لو كان دقيقه وثانيه
**********
اشكر خالي مجذوب لي هون قاسيه
صدق لي الرؤيه ثبتت راسيه
يا نسل النبي الضو الليالي الماسيه
اقبلها من عكير الجاب ليك متواسيه


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 15 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:24 AM ]


غاب نجم الاهل بقت العداوة اقــــــارب
البتجيبُ فزعه يكون دبيب وعقـــــارب
البتقول صباح الخير تلق بكره مغـــارب
دبرة صُرة وجعَه جُوه حربة غــــــارب

**********
يبس شجر المحنة وراحت الاهـــــــــليه
ود اختك نصيحتي تقاطع بالكــــــــــليه
ود العم نصيبه وبي المرض ممــــــــليه
والعجب ان قبيل عدمان ولِق مالــــــيه

**********
الجنى في المحاكم شفنا خاصم ابــــــوه
والحق الجلي الشياب قبل بابــــــــــــوه
الشبان بقوا البيصلي ما بحبـــــــــــــوه
والدين المحمدي اصبحوا يسبــــــــــوه

**********
الصبي قاطع الوالدين ولم حبــــــــــاله
والاخو بي البترمي اخوه مشغول باله
الخال انسحب ود الاخت سبــــــــــاله
والعم ود اخوه يدُور نسب يا بــــــاله

**********
الجار قاطع الجار والحيط عــــــــلوها
وان قلت النصيحه الفي الكتاب قتلوها
الاخوان على بعض السيوف سلـــوها
واموال اليتيم اهل السبح اكــــــــــلوها

**********
ما يتقدم ال لي عله ديمه عطــــــــــاه
والبهتك عرض مكشوف تملى غطاه
البزرع له شوك لابد يتوطــــــــــــــاه
والبطبخ له سم لابد يتعاطـــــــــــــــاه


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 16 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:26 AM ]


دقاقات خديدن فوق رويسن خيلة
خلّن قلبي يتمايل كأنو نخيلة
في دار ستهن لو فزت بس بي دخيلة
ترتاح روحي والأفراح تقلب خيلا

عكير


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 17 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:27 AM ]


قال في الامام عبدالرحمن

تسلم يالزعيم يا التلفي ساعة العترة
يا جبل الضرا والري نهار الخترة
عندك طبعة وكتين تدي ايدك تترا
زي صفق الاراك الشم ريحة النترة

توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 18 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:30 AM ]


حنان الأم غشاها وفكرت في طفيلا
بي حدق العيون بان لي نوت بي جفيلة
نثرتلا طلسم أشعاري وقصدت عقيلا
زي مختر طيور هزّت عوالي كفيلا


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 19 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:32 AM ]


قال في رحلته للحج :ـ
صبح يوم السفر لاح الفجر إتبسم
أدينا الفريضة هوى البشاير نسم
العفش المسافر للحجاز إتوسم
الهم القبيل كاسينا بدأ يتقـــــــسم
***
جيناك باشتياق ما فيهو بيعة وشـــروة
شوق لي زمزم البتشفي نشرب ونروى
الشوق للهرولة الجيناها طايعين سروة
سنة ابو البتول بين الصفا والمـــروة
وقال عن القطر في رحلة أخرى من القضارف لدامر المجذوب :ـ
قطر الجن بلا صيدة الخلا المذعــــــــورة
رامح كالرعوم فاج المخيفة وعــــــــــورة
في العطشان وقف جات ريلة نادية شعورة
أنفاس الخيال أتملكتني شعـــــــــــــــورة
وعن القضارف قال :ـ
السما ديمة باكي وهاطلـــــــــة رزازة
والشبورة مرت بالبلد وعـــــــــــزازة
حشيش سفح الجبل لو شفت جم نـزازة
زي عرق الجدي أب جيدا كتير حزازة


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 20 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:33 AM ]


يقول

ممشوق القوام الما وجدت نظيرو
جفاهو إلي أخير لي من محنة غيرو
جافاني العزيز الكنت ديمه نصيرو
هو يسوي الغلط وأنا أسوي كتر خيرو


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 21 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:33 AM ]


الشاعر عكير الدامر فى مديحه حين عودته من الجزيره ابا
سلامة العوده يالبيك يسلم البتوجع
يالشوفتك حماس تحى القلوب تتشجع
ابوك سر البداية وانت سر المرجع
يافرح النهاره بقالو ليلا هجع
******
سيف قطع الرزيله الى الصداقة ملمع
كم لى الله طرفك خشية قطر ودمع
سامعين بيك قديم ماجينا هسع نسمع
ياعلم الهدى الفيك سر ابوك اتجمع
******
دينا مو على حق نوره مابتفرع
راجلا مو يطل بالشكره ما بتدرع
محيطنا الصادق الما تحدد البتفرع
يوم الحوبه بى الصديق جناه اتبرع
******
يانور الصفا الفى قلوبنا بقه وولع
الكون بعد ابوك مثلك حرام ماطلع
بى لهفا لى نظرتك نتـــــــــــطلع
ذى ال فى انتظار موية السحاب القلع
******
صحبتك رحمة المولى التعلى وترفع
ياعينة الرخا ال لى كل شر بيتدفع
ياصادق النفيلة الاعيت البتشــــفع
يامنجد عدوك الليه تصلح وتنفع


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 22 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:34 AM ]


تحية الجزيرة ابا
طوفان النعيم الديمه طامح وكاسر
السوق العظيم الما بيدخلو خاسر
حمام الزنوب بلد الامام الناصر
أم نورا بيهجر غادى من الجاسر
* * * * * *
سلام يا جنة الامه البتصلك زايره
سلام يا مركز الحما والعقول الثايره
سلام يا موضع المهدى الامام النايره
وسلام يا خزنة الغارمين وسر الدايره
* * * * * *
سلام يالفيك تجار الصالحات اتجرت
ويالمنك عيون شرب الصلاح انفجرت
سلام يالبدرى بى الاملاك حدودها انحجرت
وسلام يا الفيك سفينة نوح قبيل انحدرت
* * * * * *
قسما بى تبارك ونون وسورة الفجرى
عازم بدرى أزورك وفى اسف لى زجرى
جيتك بى فرح يانور تمامة اجرى
زى العاشق الطالب المدينة بيجرى
* * * * * *
اهلا مهبط الوحى الجزيره الساميه
اهلا شتلة التقوى المفهرده ناميه
أهلاقلعة الدين القوية الحاميه
أهلا بى الشفا البمحى الجروح الداميه
* * * * * *
أهلا معقل الانصار وبيت الدين
أهلا عزة التاريخ شفا القاصدين
بحر شرب المهادرين والدوام واردين
رحمة أهل بيوتها ونعمة الوارديت


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 23 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:35 AM ]


مع اللين والسماح والشر بيطوى حبالو
ومع الجود والبشاشة عدوك يتمبك يالو
بى الحسنة الاسد تمتلكو بى اشبالو
وبى العفو ترضى ربك بى الصفة العا جبالو

* * * * * *
العفو سيف كريم بعد النصر بهديه
ان طلبوه يكتسب الاجر يديه
يصفح وبى عجل يقمز يمد ايديه
زى سيدنا يوسف لى جنى والديه

* * * * * *
درس الجمعة اصبح لينا عيد الدور
نجيه الشرقه نتحاوم نلف بى الدور
اكسير الختام ياسيد عكير وقدور
كم لى مثلي اعظم دور
* * * * * *
الدين القويم النوره بدرا سبع
قلبك مركزه وماقيل عين المنبع
طبعة قديمة حبنا فيك وما بنتطبع
اصبع مابغطى الوش بلاك مانتبع

* * * * * *
يابحر السماح السرو عم نداك
خافض للجناح ارواحنا جملة فداك
نمشى وراك بى نور حكمتك وهداك
ياطيب العفو الكايس رضى اعداك

* * * * * *
الحلم المعظم سيد الاخلاق
حلفيك من نشيت شوف عين وموه بلاغ
نيتك جماة العالم عل الاطلاق
يجوك يلتفو حولك ياهدى الخلاق

* * * * * *
حجة بعد بلاغ مابتنجى من آثار
ميت مابيفرفر وكل شىء اقسام
هدايتك ديمه فى قالب رضى واحلام
ودرسك لى القلوب نورا بيجلى ظلام

* * * * * *
حكاية الوحدة قلنا لكم حظوظ نفسية
لعية ملفقة وبى الترهات مكسية
اهو القانون طلع قال مالى بى الحيثتة
انا داير شهادة تبين الجنسية

* * * * * *
شهلدة تكون حقيقة وفيها تكتب اصلك
انك حق تمام سودانى صافى المسلك
اذا زورت او كذبت بتربصلك
وحالا من بلادنا سريع بقرر فصلك

* * * * * *
تعيش يامنقذ البقى فى حكم اعدام
يازند المروة الدايما مقــــــــــــدام
جرو يبيعو الوطن ضرب لهم قدام
حو يزرعو في المضرة بقيت لهم هدام


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 24 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:36 AM ]


اجتماع الامام مع اعضاء حزب الامة

مظلوم ياوطن لى البنصفوك محتاج
ابناك نفسهم عادوك ناس التاج
بدل ما يتوجوك يا طيب الانتاج
عقدوا الراى على حكمك تحت لى تاج

* * * * * *
حزب الامة واقف ليك اسد فوق شبلو
فوق مبداه رابط قبلو او ما قبــــــــلو
كلامهم ياوطن لا تنتبه تحسبلــــــــو
حقك فوق رءوسنا بنفهم الواجبلــــو

* * * * * *
كان جافوك بعض ابنك ودار ودارك
افهم ليك رجال بيهم تعز مـــقدارك
صقور حزب الحقيقة اتجمعت فى دارك
ارقد هادى يالوادى الحياتنا خدارك

* * * * * *
مابننساق نروح تابعين عجاج زفة
نجدع توبنا فى توب الرجال نتلفه
نتبع من بعد تحمى ونحرت الكفه
والصقر اب رعود كبده وقلب يتكفه

* * * * * *
مابنتبع نروح لى الغير ونبق سعيه
ننساق بالخشوم غنما موالفه رعيه
نقجها عجه لو بقيت على التبعيه
والسيف يبقى قاضى المحكمة الشرعية

* * * * * *
مابنقبل حكم ناس بلاد الغربه
وتحت التاج نقع جمل انكسر فى هربه
بدل الزل وعيشه العار وحالة كربه
اولى الاخره ميت مابيهاب التربــــه

* * * * * *
قبل ما يطبلو فينا القيد ويسمعو نقرو
اعلنو بى السيادة وضمنو بينا يحقرو
كلام البف كتير سيبهم يكتبو ويقرو
مابنتبع بلا الدم فوق يحلق صقرو

* * * * * *
غيرو بدلو ونقضو القبيل كتبوه
والقول البجيب عز البلاد شطبوه
بشعو بى الوثيقة الدار وكله ابوه
ود القاتل ابوهم قربـــــو وحوه

* * * * * *
سياسة الناس يكتبو وللجريدة يودو
اما سياستى انا السيف البزين حدو
الحر فى القتال دايما بقدر يدو
عود الطيب بلا النار ما بيفوح ندو


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 25 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:37 AM ]


أب أحمد حباب النوربياض الفاطر
مرحب ود أن أمام الدين سرور الخاتر
سحاب مطر الشفا وريحة دعاش الماطر
وجو هنا الليلة بيك يوم عيد مغيم وماطر

* * * * * *

أيامك فرص نعم السعيد الدراك
عجل لى صحبتك ولى النجاح اتدارك
لو كان بفهمو يالعظيم مقدارك
البتطردو بى خشمك يلازم دارك

* * * * * *

سوق أخر الزمان نعم البجيك متسبب
لى شوفتك يهاجر ماشى عرقة يصبب
مفتاح الهداية ال فى القلوب بيتحبب
العلم العلى جيهة الله ديمة بهبب

* * * * * *

تسلم يا شفا الضعفا القلوبهم ضهلن
تسلم يالحجا البيك النصايب سهلن
تسلم ياعريس الضمر البيصهلن
تسلم يادوا العين الدموعها ببهلن

* * * * * *

خريف مطر المنى البخمد شرار الكبه
يا الليك الدقون تترل تقع فى الركبة
تعيش يالغازى مفتاح الكرب والنكبة
ياخوال فى الجبل واسد الجهاد فى ابو ركبة

* * * * * *

انطق يالابيض وحاجة ما تخنشاها
لزمتك الأمانة ال فى الضمير أفشاها
وقت السنة وقعت وانكوت فى حشاها
مين الغير أبوك بالسيف درجاها ومشاها

* * * * * *

الدراك ندوره وديمه نطلب وده
والياباك نأباه ونقاطع رده
نجمع منه حبل الاتصال ونشده
يوم مايجيك نهاود له ونفكه نمده


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 26 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:40 AM ]


في مدح السيد الصديق


أهلا بيك يالضيغم أمين الأمة
يابرد السلام البشفى نار الحمة
يانور البلاد الفج كشف الغمة
ياسيف نصرة الأنصار وحزب الأمة


* * * * * *

سلامات حفيد المهدى والله حبابك
يا الخليت لسانا يصيح ويتنبابك
شرفت البلاد ال ليها سمت شبابك
حقيت أسم أبوك والظنو فيك أحبابك


* * * * * *

الضهرى الترل يوم الثلاثاء وشرف
الناس ليه زى شهر الصيام تتشرف
دفاعنا الأوحد ال بى الباشا أبى يتعرف
القال مستحيل فى بلادنا زول يتصرف


* * * * * *

نعمة ربنا ال لى المعضلات نخفيها
ود الكاسر العين العدو بيكفيها
ود ابو عاج حقيقة البارده بيدفيها
والحارة بيخوضا ويولغها ويطفيها


"* * * * * *

ال من صغره مشكور اصل ما بيتفسل
والداب نفسه بى النافع محال يتمثل
عمل الترهات ذى الخيوط يتسل
وعمل الخير نقش فى حجارة ما بيتنسل


* * * * * *

رئيس وفد الجلال المابيهمه وثيق
ولى امر الوطن حاميه اوفى صديق
عريس المعركة البستر لو يوم الضيق
جنى الصادق وابو الصادق وهو الصديق


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 27 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:48 AM ]


خصانا الإله سفرتنا بيه اختاره
مدة بسيطة جده الطيبة جينا مطاره
شبيه ابن الوليد عيسى الرفع رايتنا
بى التكس البيهجر نوره زان جيتنا
فى المحجر نزلنا وفزنا بى غايتنا
عن يوسف عظيم العنصرين بيتنا
عصرا بدرى لى مكة المكرمة قمنا
جيناها المغيرب وفيها ما تقول نمنا
طفنا البيت وفى الحرم المزخرف حمنا
حالة هيبة ياريت فيها عشنا ودمنا
القلعة الشريفة الربى عزة ملاها
بى نور الجلال المابيزول جلاها
حمام البيت يدور بى الرحمة لى نزلاها
كرم الله جبريل الامين طلاها
نعمة الجاها للحج بى ضميره مهاجر
قاصد الشوفة مشتاق بىحياته متاجر
محراب الشلام سور الامان الحاجر
تاريخ سيدنا ابراهيم وامنا هاجر


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 28 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 07-08-2008 - 11:51 AM ]


الرباعيه المعروفه هى عهدنا معاك للسيد عبد الرحمن المهدى وده باقيها
عهدنا معاك عهد دين بالصداقه محبر
لابنقص ولا برجع ولا بتغبر
كل يوم كاالقمر فى زياده ماشى مكبر
لامن بيه نسكن فى الرقاده مشبر

وهاكم دى من الغزل
من القيف جا طالع بى لطف يتكل
الطيب المفحل بى القرنفل عكل
فوق صدو وتحت توبو الرهيف ومشكل
يغطس ومره يقلع برتكان البركل


سو مشى القطا الورد البحر يتقدل
أدعج حاجبه قارن بالهلال إتبدل
ليل هضليمه عسعس والكتيف إتهدل
إعلان حبه طوق جيدى سبحه صندل

والجايه دى مجاراة بين عكير ونفسه
عكيربقول لى نفسه:
تقل سمع الأضان والعين كساها طشاش
وبقت العمه شيب بدل الكرب والشاش
يا نفس السواد لى متين ورى الغشاش
مسويك ليه شبكه ويملا فيك حشاش

النفس ترد عليه:
حشاش شنو اليملانى وأنا تابعاه
بردخ لى أوامره تقولو لى طايعاه
كلامك أحفظه ما سامعاه
شيبك مالى بيه اليتبع النافعاه
يرد عكير:
اول حاجه غشاشك نجس ملعون
إسمو إبليس وبى غضب الإله مطعون
أخير ليك فكى دربو بلحقك فرعون
وتوبى وقولى يا مولاى تكون فى العون

ودى فى مدح صديقه
أب رسوه البينتر حامى غابه كترو
دنيا ودين يعجك ما بعابى العترو
فيه طبيعه كل ما ضيوفو زادو وكترو
فرهد كاالخضار الهب نسم عطرو

وكمان ماتنسى عندو كلام فى الوطنيه :
مابنقبل حكم من بلاد الغربه
وتحت التاج نقع جمل إنكسر فى هربه
بدل العار وعيشه الزل وحاله الكربه
أولى الأخره ميت ما بهاب التربه


وما بنقبل نروح للغير ونبقى سعيه
ننساق بى الخشوم غنما موالفه رعيه
نقجها قجه إن بقيت على التبعيه
والسيف يبقى قاضى المحكمه الشرعيه


وبرضو قل للأمام
كتار الفيهم أحسنت وعليك إتباهو
جاهم ريش طغو كفك نسوهو جباه
ود الدابى بالصح بلدغ الرباه
وأبو قنفد حقيقه بجرح الحباه


توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
 
 رقم المشاركة : ( 29 )
عبدالغفار
عضو مبدع
رقم العضوية : 182
تاريخ التسجيل : Apr 2008
مكان الإقامة :
عدد المشاركات : 408
عدد النقاط : 10

عبدالغفار غير متواجد حالياً

افتراضي

كُتب : [ 07-08-2008 - 01:15 PM ]


شكراً اخ عمر
من فحول الشعراء في السودان من اعظم المبدعين في السودان .... هكذاالابداع !!!!!!!!!!!!!!!!!!!!!


توقيع : عبدالغفار

تصفو الليالي بعد كدرتها وكل دور اذا ماتم ينقلب

رد مع اقتباس
 
 رقم المشاركة : ( 30 )
عمر عبد الله
عضو ماسي
رقم العضوية : 62
تاريخ التسجيل : Jan 2008
مكان الإقامة :
عدد المشاركات : 4,291
عدد النقاط : 10

عمر عبد الله غير متواجد حالياً

افتراضي

كُتب : [ 27-09-2008 - 09:52 PM ]


اقتباس:
المشاركة الأصلية كتبت بواسطة عبدالغفار مشاهدة المشاركة
شكراً اخ عمر
من فحول الشعراء في السودان من اعظم المبدعين في السودان .... هكذاالابداع !!!!!!!!!!!!!!!!!!!!!
شكرا لك الاخ عبدالغفار
فعكير الدامر من فحول الشعراء في السودان بلا شك

توقيع : عمر عبد الله

لكل وقت ومقام حال ولكل زمان واوان رجال

في الفروة كان حسن الختام

رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:46 AM.

This Forum Is Using MCSofts.CoM's Ads System By : Memo90


المواضيع والمقالات و الآراء المنشورة في المنتديات بأسماء أصحابها أو بأسماء مستعارة لا تمثل بالضرورة الرأي الرسمي لمنتديات النيل الأبيض
vEhdaa 1.1 by NLP ©2009